ਅਮਰੀਕਾ ‘ਚ ਵੱਡੀ ਕਾਰਵਾਈ: ‘ਆਪ੍ਰੇਸ਼ਨ ਚੈੱਕਮੇਟ’ ਤਹਿਤ 30 ਭਾਰਤੀ ਟਰੱਕ ਡਰਾਈਵਰ ਗ੍ਰਿਫ਼ਤਾਰ, ਜਲਦ ਕੀਤੇ ਜਾਣਗੇ ਡਿਪੋਰਟ
( KOROTANY ) ਨਿਊਯਾਰਕ (ਪੀਟੀਆਈ) : ਅਮਰੀਕਾ ‘ਚ ਨਾਜਾਇਜ਼ ਤਰੀਕੇ ਨਾਲ ਰਹਿ ਰਹੇ ਤੇ ਵਣਜ ਟਰੱਕ ਡਰਾਈਵਰਾਂ ਦੇ ਰੂਪ ‘ਚ ਕੰਮ ਕਰ ਰਹੇ 30 ਭਾਰਤੀ ਨਾਗਰਿਕਾਂ ਨੂੰ ਇਕ ਕੇਂਦਰੀ ਅਭਿਆਨ ਤਹਿਤ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਤੇ ਉਨ੍ਹਾਂ ਨੂੰ ਛੇਤੀ ਹੀ ਜਲਾਵਤਨ ਕੀਤਾ ਜਾਏਗਾ। ਅਮਰੀਕੀ ਕਸਟਮ ਤੇ ਬਾਰਡਰ ਸਕਿਉਰਿਟੀ ਫੋਰਸ ਨੇ ਇਕ ਬਿਆਨ ‘ਚ ਕਿਹਾ ਕਿ 11 ਤੋਂ 15 ਮਈ ਦੌਰਾਨ ਏਰੀਜ਼ੋਨਾ ਦੇ ਯੁਮਾ ਸੈਕਟਰ ਦੇ ਸਰਹੱਦੀ ਗਸ਼ਤੀ ਏਜੰਟਾਂ ਨੇ ਆਪ੍ਰੇਸ਼ਨ ਚੈੱਕਮੇਟ ਤਹਿਤ 52 ਵਿਅਕਤੀਆਂ ਨੂੰ ਨਾਜਾਇਜ਼ ਤਰੀਕੇ ਨਾਲ ਅਮਰੀਕਾ ‘ਚ ਰਹਿਣ ਕਾਰਨ ਗ੍ਰਿਫ਼ਤਾਰ ਕੀਤਾ ਜਿਨ੍ਹਾਂ ‘ਚੋਂ 36 ਸੈਮੀ ਟਰੱਕ ਚਲਾ ਰਹੇ ਸਨ।
ਗ੍ਰਿਫ਼ਤਾਰ ਕੀਤੇ ਗਏ 36 ਨਾਜਾਇਜ਼ ਸੈਮੀ ਟਰੱਕ ਡਰਾਈਵਰਾਂ ‘ਚੋਂ 30 ਭਾਰਤ ਦੇ ਸਨ, ਜਦਕਿ ਬਾਕੀ ਛੇ ਮੈਕਸੀਕੋ, ਅਲ ਸਲਵਾਡੋਰ ਤੇ ਰੂਸ ਦੇ ਸਨ। ਉਨ੍ਹਾਂ ਕੋਲ ਕੈਲੀਫੋਰਨੀਆ, ਨਿਊਯਾਰਕ, ਵਾਸ਼ਿੰਗਟਨ ਤੇ ਵਰਜੀਨੀਆ ਵਰਗੇ ਸੂਬਿਆਂ ਤੋਂ ਕਮਰਸ਼ੀਅਲ ਡਰਾਈਵਰ ਦੇ ਲਾਇਸੈਂਸ ਸਨ ਜਦਕਿ ਕੁਝ ਕੋਲ ਕਿਸੇ ਵੀ ਤਰ੍ਹਾਂ ਦਾ ਡਰਾਈਵਿੰਗ ਲਾਇਸੈਂਸ ਨਹੀਂ ਸੀ। ਜ਼ਿਆਦਾਤਰ ਕੋਲ ਰੁਜ਼ਗਾਰ ਅਥਾਰਟੀ ਦਸਤਾਵੇਜ਼ ਸਨ ਜਿਹੜੇ ਬਾਇਡਨ ਪ੍ਰਸ਼ਾਸਨ ਦੌਰਾਨ ਪ੍ਰਾਪਤ ਕੀਤੇ ਗਏ ਸਨ ਤੇ ਹੁਣ ਮਨਜ਼ੂਰ ਨਹੀਂ ਹਨ। ਇਨ੍ਹਾਂ ਸਾਰੇ ਵਿਅਕਤੀਆਂ ਨੂੰ ਕੇਂਦਰੀ ਕਾਨੂੰਨ ਤਹਿਤ ਜਲਾਵਤਨ ਕੀਤਾ ਜਾਏਗਾ। ਆਪ੍ਰੇਸ਼ਨ ਚੈੱਕਮੇਟ ਦਾ ਮਕਸਦ ਅਮਰੀਕਾ ‘ਚ ਵਣਜ ਮੋਟਰ ਵਾਹਨਾਂ ਦਾ ਸੰਚਾਲਨ ਕਰਨ ਵਾਲੇ ਨਾਜਾਇਜ਼ ਵਿਅਕਤੀਆਂ ਦਾ ਪਤਾ ਲਗਾਉਣਾ ਤੇ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕਰਨਾ ਹੈ।
More Related Stories
ਐੱਮ.ਐੱਸ. ਧੋਨੀ ਦੀ ਵਜ੍ਹਾ ਨਾਲ ਤੀਜਾ ਵਨਡੇ ਹਾਰੀ ਟੀਮ ਇੰਡੀਆ, ਇਤਿਹਾਸਕ ਜਿੱਤ ਤੋਂ ਬਾਅਦ ਸ਼ਾਈ ਹੋਪ ਨੇ ਖੋਲ੍ਹਿਆ ਵੱਡਾ ਰਾਜ਼
ਟਰੰਪ ਨੇ AI ਦਾ ਨਾਂ ਬਦਲ ਕੇ ਰੱਖਿਆ ‘ਸੁਪਰ ਇੰਟੈਲੀਜੈਂਸ’, ਅਧਿਕਾਰਤ ਦਸਤਾਵੇਜ਼ ‘ਤੇ ਕੀਤੇ ਦਸਤਖ਼ਤ; ਮਸਕ-ਜ਼ੁਕਰਬਰਗ ਤੇ ਪਿਚਾਈ ਰਹੇ ਮੌਜੂਦ
ਦੋ ਕੈਨੇਡੀਅਨ ਗੁਰਦੁਆਰੇ ₹102 ਕਰੋੜ ਵਿੱਚ ਗਿਰਵੀ: ₹88 ਕਰੋੜ ਵਿਆਜ, ਕਰਜ਼ਾ ਨਾ ਮੋੜਨ ਲਈ ਅਦਾਲਤੀ ਕੇਸ; ਸਾਬਕਾ ਪੰਜਾਬੀ ਮੂਲ ਦਾ ਸੰਸਦ ਮੈਂਬਰ ਸ਼ੱਕ ਦੇ ਘੇਰੇ ਵਿੱਚ