ਪਤਨੀ ਦਾ ਸਿਰ ਵੱਢ ਕੇ ਫਰਿੱਜ ‘ਚ ਰੱਖਣ ਵਾਲੇ ਦੋਸ਼ੀ ਦੀ ਮੌਤ, ਪੁਲਿਸ ਦੀ ਗੱਡੀ ਤੋਂ ਛਾਲ ਮਾਰ ਕੇ ਦਿੱਤੀ ਜਾਨ

ਪਤਨੀ ਦਾ ਸਿਰ ਵੱਢ ਕੇ ਫਰਿੱਜ ‘ਚ ਰੱਖਣ ਵਾਲੇ ਦੋਸ਼ੀ ਦੀ ਮੌਤ, ਪੁਲਿਸ ਦੀ ਗੱਡੀ ਤੋਂ ਛਾਲ ਮਾਰ ਕੇ ਦਿੱਤੀ ਜਾਨ

( KOROTANY ) ਦਿਸਪੁਰ : ਆਪਣੀ ਪਤਨੀ ਰੀਆ ਤਾਲੁਕਦਾਰ ਦਾ ਬੇਰਹਿਮੀ ਨਾਲ ਕਤਲ ਕਰਨ ਵਾਲੇ ਰਾਮਾਨੁਜ ਗੋਸਵਾਮੀ ਦੀ ਸੋਮਵਾਰ ਤੜਕੇ ਮੌਤ ਹੋ ਗਈ। ਪੁਲਿਸ ਸਰੋਤਾਂ ਅਨੁਸਾਰ, ਰਾਮਾਨੁਜ ਨੂੰ ਜਦੋਂ ਮੈਡੀਕਲ ਜਾਂਚ ਲਈ ਗੁਵਾਹਾਟੀ ਮੈਡੀਕਲ ਕਾਲਜ ਅਤੇ ਹਸਪਤਾਲ ਲਿਜਾਇਆ ਜਾ ਰਿਹਾ ਸੀ, ਉਦੋਂ ਹੀ ਉਸ ਨੇ ਨਰਕਾਸੁਰ ਪਹਾੜੀ ਦੇ ਨੇੜੇ ਚਲਦੀ ਪੁਲਿਸ ਗੱਡੀ ਤੋਂ ਛਾਲ ਮਾਰ ਦਿੱਤੀ।

ਇਸ ਘਟਨਾ ਵਿੱਚ ਉਸ ਦੇ ਸਿਰ ‘ਚ ਗੰਭੀਰ ਸੱਟ ਲੱਗੀ, ਜਿਸ ਨਾਲ ਉਸ ਦੀ ਮੌਤ ਹੋ ਗਈ। ਜਿਕਰਯੋਗ ਹੈ ਕਿ ਐਤਵਾਰ ਨੂੰ ਉਸ ਦਾ ਸੱਤ ਦਿਨਾਂ ਦਾ ਪੁਲਿਸ ਰਿਮਾਂਡ ਖ਼ਤਮ ਹੋ ਗਿਆ ਸੀ ਅਤੇ ਸੋਮਵਾਰ ਨੂੰ ਉਸ ਨੂੰ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਣਾ ਸੀ।ਪਤਨੀ ਦਾ ਕਤਲ ਕਰ ਕੇ ਫਰਿੱਜ ‘ਚ ਰੱਖ ਦਿੱਤਾ ਸੀ ਸਿਰਰਾਮਾਨੁਜ ਅਤੇ ਰੀਆ ਦਾ ਵਿਆਹ ਪਿਛਲੇ ਸਾਲ 22 ਸਤੰਬਰ ਨੂੰ ਹੋਇਆ ਸੀ। 3 ਸਤੰਬਰ ਦੀ ਸਵੇਰ ਦੋਵਾਂ ਵਿਚਾਲੇ ਰੀਆ ਦੇ ਕਥਿਤ ਐਕਸਟਰਾ ਮੈਰੀਟਲ ਅਫੇਅਰ (ਗ਼ੈਰ-ਮੈਰਿਜ ਸੰਬੰਧਾਂ) ਨੂੰ ਲੈ ਕੇ ਤਿੱਖੀ ਬਹਿਸ ਹੋਈ ਸੀ। ਵਿਵਾਦ ਇੰਨਾ ਵਧ ਗਿਆ ਕਿ ਰਾਮਾਨੁਜ ਨੇ ਆਪਾ ਖੋਹ ਦਿੱਤਾ ਅਤੇ ਰੀਆ ਦਾ ਕਤਲ ਕਰ ਕੇ ਉਸ ਦਾ ਸਿਰ ਧੜ ਨਾਲੋਂ ਵੱਖ ਕਰ ਦਿੱਤਾ।ਜ਼ੁਲਮ ਦੀਆਂ ਸਾਰੀਆਂ ਹੱਦਾਂ ਪਾਰ ਕਰਦਿਆਂ ਉਸ ਨੇ ਆਪਣੀ ਪਤਨੀ ਦੇ ਵੱਢੇ ਹੋਏ ਸਿਰ ਨੂੰ ਫਰਿੱਜ ਦੇ ਅੰਦਰ ਰੱਖ ਦਿੱਤਾ ਸੀ।

ਰਾਮਾਨੁਜ ਪੇਸ਼ੇ ਤੋਂ ਇੱਕ ਕੈਬ ਡਰਾਈਵਰ ਸੀ ਅਤੇ ਇਹ ਜੋੜਾ ਗੁਵਾਹਾਟੀ ਦੇ ਬੇਲਟੋਲਾ ਸਥਿਤ ਬਸ਼ਿਸ਼ਠਪੁਰ ਇਲਾਕੇ ਦੇ ਇੱਕ ਫਲੈਟ ‘ਚ ਰਹਿ ਰਿਹਾ ਸੀ।ਸਰੈਂਡਰ ਤੋਂ ਬਾਅਦ ਬਰਾਮਦ ਹੋਈ ਸੀ ਲਾਸ਼ਇਸ ਕਰੂਰ ਕਤਲਕਾਂਡ ਦੇ ਤਿੰਨ ਦਿਨ ਬਾਅਦ 6 ਸਤੰਬਰ ਦੀ ਰਾਤ ਨੂੰ ਰਾਮਾਨੁਜ ਨੇ ਖ਼ੁਦ ਪੁਲਿਸ ਅੱਗੇ ਸਰੈਂਡਰ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਉਸੇ ਰਾਤ ਪੁਲਿਸ ਨੇ ਫਲੈਟ ‘ਚ ਜਾ ਕੇ ਔਰਤ ਦਾ ਧੜ ਅਤੇ ਵੱਢਿਆ ਹੋਇਆ ਸਿਰ ਵੀ ਬਰਾਮਦ ਕਰ ਲਿਆ ਸੀ।ਪੁਲਿਸ ਹਿਰਾਸਤ ਦੌਰਾਨ 8 ਸਤੰਬਰ ਨੂੰ ਜਦੋਂ ਰਾਮਾਨੁਜ ਨੂੰ ਮੈਡੀਕਲ ਜਾਂਚ ਲਈ ਲਿਜਾਇਆ ਜਾ ਰਿਹਾ ਸੀ, ਤਦ ਉਸ ਨੇ ਮੀਡੀਆ ਸਾਹਮਣੇ ਬੇਹੱਦ ਹੈਰਾਨ ਕਰਨ ਵਾਲਾ ਬਿਆਨ ਦਿੱਤਾ ਸੀ।

ਉਸ ਨੇ ਬੇਖੌਫ਼ ਹੋ ਕੇ ਕਿਹਾ ਸੀ ਕਿ ਉਸ ਨੂੰ ਆਪਣੇ ਕੀਤੇ ‘ਤੇ ਕੋਈ ਪਛਤਾਵਾ ਨਹੀਂ ਹੈ ਅਤੇ ਉਹ ਇਸ ਲਈ ਮਾਫ਼ੀ ਨਹੀਂ ਮੰਗੇਗਾ।
ਇੰਨਾ ਹੀ ਨਹੀਂ, ਉਸ ਨੇ ਖੁੱਲ੍ਹੇਆਮ ਧਮਕੀ ਦਿੱਤੀ ਸੀ ਕਿ ਜੇਕਰ ਉਹ ਜੇਲ੍ਹ ਤੋਂ ਬਾਹਰ ਆਇਆ ਤਾਂ ਉਸ ‘ਸ਼ੂਗਰ ਡੈਡੀ’ ਨੂੰ ਵੀ ਜਾਨੋਂ ਮਾਰ ਦੇਵੇਗਾ। ਸਰੋਤਾਂ ਦੀ ਮੰਨੀਏ ਤਾਂ ਰਾਮਾਨੁਜ ਨੂੰ ਨਸ਼ੇ ਦੀ ਵੀ ਲਤ ਸੀ ਅਤੇ ਗੁਵਾਹਾਟੀ ਦੇ ਬਾਹਰੀ ਇਲਾਕੇ ‘ਚ ਸਥਿਤ ਇੱਕ ਨਸ਼ਾ ਛੁਡਾਊ ਕੇਂਦਰ ‘ਚ ਉਸ ਦਾ ਕਈ ਵਾਰ ਇਲਾਜ ਵੀ ਚੱਲਿਆ ਸੀ।