ਏਪੀਜੇ ਕਾਲਜ ਆਫ਼ ਫਾਈਨ ਆਰਟਸ ਜਲੰਧਰ ਦੀ ਵਿਦਿਆਰਥਣ ਗੁਰਜੋਤ ਕੌਰ ਦੀ ਇੰਡੀਅਨ ਸ਼ੂਟਿੰਗ ਟੀਮ ਟਰਾਇਲਜ਼ ਲਈ ਹੋਈ ਚੋਣ

ਏਪੀਜੇ ਕਾਲਜ ਆਫ਼ ਫਾਈਨ ਆਰਟਸ ਜਲੰਧਰ ਦੀ ਵਿਦਿਆਰਥਣ ਗੁਰਜੋਤ ਕੌਰ ਦੀ ਇੰਡੀਅਨ ਸ਼ੂਟਿੰਗ ਟੀਮ ਟਰਾਇਲਜ਼ ਲਈ ਹੋਈ ਚੋਣ

( KOROTANY ) JALANDHAR PUNJAB INDIA, ਏਪੀਜੇ ਕਾਲਜ ਆਫ਼ ਫਾਈਨ ਆਰਟਸ ਜਲੰਧਰ ਦੇ ਵਿਦਿਆਰਥੀ ਹਮੇਸ਼ਾ ਆਪਣੇ ਸਰਵਪੱਖੀ ਵਿਕਾਸ ਲਈ ਯਤਨਸ਼ੀਲ ਰਹਿੰਦੇ ਹਨ। ਕਾਲਜ ਦੀ ਬੀਏ ਪਹਿਲੇ ਸਮੈਸਟਰ ਦੀ ਵਿਦਿਆਰਥਣ ਗੁਰਜੋਤ ਕੌਰ ਨੇ ‘ਡਾ. ਕਰਨੀ ਸਿੰਘ ਰੇਂਜ ਸਟੇਡੀਅਮ’ ਨਵੀਂ ਦਿੱਲੀ ਵਿਖੇ ਯੂਥ ਅਤੇ ਜੂਨੀਅਰ ਸ਼੍ਰੇਣੀ ਦੇ ਸ਼ੂਟਿੰਗ ਮੁਕਾਬਲੇ ਵਿੱਚ ਹਿੱਸਾ ਲਿਆ। 10 ਮੀਟਰ ਏਅਰ ਪਿਸਟਲ ਸ਼ੂਟਿੰਗ ਵਿੱਚ ਬੇਮਿਸਾਲ ਪ੍ਰਦਰਸ਼ਨ ਦੇ ਆਧਾਰ ‘ਤੇ ਗੁਰਜੋਤ ਕੌਰ ਨੂੰ ਇੰਡੀਅਨ ਸ਼ੂਟਿੰਗ ਟੀਮ ਟਰਾਇਲਜ਼ ਲਈ ਚੁਣ ਲਿਆ ਗਿਆ ਹੈ। ਪ੍ਰਿੰਸੀਪਲ ਡਾ. ਨੀਰਜਾ ਢੀਂਗਰਾ ਨੇ ਗੁਰਜੋਤ ਕੌਰ ਨੂੰ ਮੁਬਾਰਕਬਾਦ ਦਿੰਦਿਆਂ ਕਿਹਾ ਕਿ ਉਹ ਇੰਡੀਅਨ ਟੀਮ ਵਿੱਚ ਵੀ ਆਪਣਾ ਬੇਹਤਰੀਨ ਪ੍ਰਦਰਸ਼ਨ ਕਰੇ ਅਤੇ ਕਾਲਜ ਦੇ ਨਾਲ-ਨਾਲ ਉਹ ਆਪਣੇ ਮਾਪਿਆਂ ਦਾ ਨਾਮ ਵੀ ਰੋਸ਼ਨ ਕਰੇ। ਡਾ. ਢੀਂਗਰਾ ਨੇ ਗੁਰਜੋਤ ਦਾ ਮਾਰਗਦਰਸ਼ਨ ਕਰਨ ਲਈ ਫਿਜ਼ੀਕਲ ਐਜੂਕੇਸ਼ਨ ਵਿਭਾਗ ਦੇ ਅਧਿਆਪਕ ਸ਼੍ਰੀ ਸਾਹਿਲ ਮਹੇ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ.