ਨਿੱਝਰ ਮਾਮਲੇ ‘ਚ ਭਾਰਤ ਸਖ਼ਤ, 6 ਕੈਨੇਡੀਅਨ ਡਿਪਲੋਮੈਟਾਂ ਨੂੰ ਕੱਢਿਆ, ਦੇਸ਼ ਛੱਡਣ ਦਾ ਹੁਕਮ

ਨਿੱਝਰ ਮਾਮਲੇ ‘ਚ ਭਾਰਤ ਸਖ਼ਤ, 6 ਕੈਨੇਡੀਅਨ ਡਿਪਲੋਮੈਟਾਂ ਨੂੰ ਕੱਢਿਆ, ਦੇਸ਼ ਛੱਡਣ ਦਾ ਹੁਕਮ

( KOROTANY ) JALANDHAR,  ਖਾਲਿਸਤਾਨੀ ਹਰਦੀਪ ਸਿੰਘ ਨਿੱਝਰ ਮਾਮਲੇ ‘ਚ ਕੈਨੇਡਾ ਦੇ ਬਿਆਨ ‘ਤੇ ਭਾਰਤ ਨੇ ਇਕ ਹੋਰ ਸਖਤ ਕਾਰਵਾਈ ਕੀਤੀ ਹੈ। 6 ਕੈਨੇਡੀਅਨ ਡਿਪਲੋਮੈਟਾਂ ਨੂੰ ਕੱਢ ਦਿੱਤਾ ਗਿਆ ਹੈ। ਇਸ ਵਿੱਚ ਕਾਰਜਕਾਰੀ ਹਾਈ ਕਮਿਸ਼ਨਰ ਸਟੀਵਰਟ ਰੌਸ ਵ੍ਹੀਲਰ, ਡਿਪਟੀ ਹਾਈ ਕਮਿਸ਼ਨਰ ਪੈਟਰਿਕ ਹੇਬਰਟ, ਸਕੱਤਰ ਮੈਰੀ ਕੈਥਰੀਨ ਜੋਲੀ, ਸਕੱਤਰ ਲੈਨ ਰੌਸ ਡੇਵਿਡ ਟ੍ਰਾਈਟਸ, ਸਕੱਤਰ ਐਡਮ ਜੇਮਸ ਚੁਇਪਕਾ ਅਤੇ ਸਕੱਤਰ ਪਾਉਲਾ ਓਰਜੁਏਲਾ ਨੂੰ 19 ਅਕਤੂਬਰ ਰਾਤ 11:59 ਵਜੇ ਜਾਂ ਇਸ ਤੋਂ ਪਹਿਲਾਂ ਭਾਰਤ ਛੱਡਣ ਲਈ ਕਿਹਾ ਗਿਆ ਹੈ।

ਕੈਨੇਡਾ ਨੇ ਖਾਲਿਸਤਾਨੀ ਪ੍ਰਭਾਵ ਹੇਠ ਭਾਰਤੀ ਹਾਈ ਕਮਿਸ਼ਨਰ ਅਤੇ ਹੋਰ ਡਿਪਲੋਮੈਟਾਂ ‘ਤੇ ਬੇਬੁਨਿਆਦ ਦੋਸ਼ ਲਾਏ ਸਨ, ਜਿਨ੍ਹਾਂ ਨੂੰ ਪੁੱਛਗਿੱਛ ਲਈ ਬੁਲਾਇਆ ਗਿਆ ਸੀ। ਇਸ ਤੋਂ ਬਾਅਦ ਭਾਰਤ ਨੇ ਕੈਨੇਡਾ ਦੇ ਦੋਸ਼ਾਂ ਨੂੰ ਰੱਦ ਕਰਦਿਆਂ ਆਪਣੇ ਡਿਪਲੋਮੈਟਾਂ ਨੂੰ ਵਾਪਸ ਬੁਲਾਉਣ ਦਾ ਫੈਸਲਾ ਕੀਤਾ ਹੈ।